"Kur nuk e di çdo të thotë bio, mos e përdor"/ Specialisti nxjerr bllof ministrin Balla me postimin e tij në rrjetet sociale

bimet dhe komenti

TIRANË- Llogaritë në rrjetet sociale, jo pak herë ministrat i përdorin për të reklamuar "punët" e tyre dhe jo vetëm. Së fundmi ministri i Shtetit për Marrëdhëniet me Parlamentin, Taulant Balla ka postuar në Facebook, një video me mbishkrimin: "Serat me perime bio të fermerit Dorjan Bufi në Strum, Roskovec". Postimin po ashtu e ka shoqëruar edhe me video. 

Mes shumë komenteve që kanë vërshuar poshtë postimit, menjëherë pas publikimit, një prej tyre duket se ka dalë nga radha e "përgëzimeve" duke nxjerrë bllof ministrin. 

Arben Shytaj i cili është specialist i mbrojtjes së bimëve shkruan se prodhimet bio kanë teknologji të veçantë kultivimi pa përdorur kimikate mbi to, ndryshe nga prodhimi në video për të cilat thotë se janë të kultivimit konvencional.

"Zoti minister, ju lumshin krahet fermerit, bime dhe prodhim shume te mire, befte lek, por kur nuk e di cdo të thotë bio, mos e perdor. Produktet bio, org apo eco, qe jane e njejta gje, I mbron ligji shqiptar dhe rregullorja perkatese e BE-se, kane teknologji te veçante kultivimi, mbi to nuk perdoren kimikate, keto qe ku nxirni, jane te kultivimit konvencional ku per te marre rreth 1500 kv/ha perdoren disa kv produkte plehruese dhe dhjetra kg pmb. E kuptoj qellimin e mire tuajin, por eshte e padrejte, ligji te ndalon.", thuhet në komentin e Shytajt.

POSTIMI I BALLËS: 

arben shytaj taulant balla