Kadri Veseli është dënuar me 18 vjet burgim nga Dhomat e Specializuara në Hagë.
Trupi gjykues e shpalli Veselin fajtor për krim...
AKTUALITET
13 vite në pritje të drejtësisë për vrasjen e 17-vjeçarit! Gjimnazi pagoi 5 milion për jetën e djalit, familja Tota akoma endet gjyqeve
PiranjatPërditësimi i fundit 31 Mars 2026, 18:58
Plot 13 vite nga vrasja tragjike e ndodhur në shkollën “Beqir Çela”, ku asokohe 16-vjeçari Endrin Varaku qëlloi për vdekje 17-vjeçarin Adriatik Tota, ndërsa mësohet se familja e viktimës enden gjyqeve në pritje të një drejtësie për vrasjen e djalit të tyre. Çështja për vrasjen e Totos prej 13 vitesh endet në dyert e gjykatave. Këtu nuk bëhet fjalë vetëm për çështjen penale, por dhe atë civile e cila mësohet se është hapur nga familja e viktimës.
Ndonëse më 27 janar 2021, Gjykata e Shkallës së Parë në Durrës vendosi detyrimin e shkollës për dëmshpërblim pasuror dhe jo pasuror, vendimi mësohet se është ankimuar nga Avokatura e Shtetit dhe deri më tani mbetet pa një datë të caktuar fikse për nisjen e shqyrtimit në Apel.
Vendimi i Gjykatës Administrative të Shkallës së Parë Durrës për tragjedinë e ndodhur dhjetorin e 2013 në ambientet e ofiçinës së shkollës së mesme profesionale “Beqir Çela” është një proces i pambyllur gjyqësor. Në vendimin e datës 27 janar 2021, gjykata vendosi pranimin pjesërisht të padisë dhe detyroi shkollën “Beqir Çela” të dëmshpërblejë familjen e viktimës, konkretisht 2,403,025 lekë për secilin prej prindërve për dëmin pasuror dhe jopasuror dhe 333,333 lekë shtesë për dëmin jopasuror për njërin prej paditësve, nënën. Në total shuma kapte shifrën 5,140,000 lekë.
Rasti në fjalë ka të bëjë më vrasjen e 17-vjeçarit Adriatik Toto të ndodhur dhjetorin e 2013 në ambientet e shkollës profesionale “Beqir Çela”, ku i mituri u godit për vdekje nga 16-vjeçari Edrin Varaku.
Për këtë ngjarje, Gjykata e Durrësit la në burg 16 vjeçarin Edrin Varaku. Në dëshminë e dhënë para togave të zeza 16 vjeçari ka pranuar vrasjen, ndërsa shfaqi pendesë në sallën e gjyqit për vrasjen e Totës.
Së fundmi blutë e Durrësit kanë vënë sërish në pranga shtetasin Endrin Varaku, aktualisht 28-vjeç, pasi gjatë kontrolleve fizike të ushtruara në makinën me të cilën ai lëvizte, policia gjeti dhe sekuestroi armë e municione luftarake.
