Lionel Messi vazhdon të shkëlqejë në futbollin botëror, duke iu afruar një tjetër arritjeje historike në karrierën...
AKTUALITET
17 vjet më parë i plagosi vëllain, si Poli Boriçi tentoi të vriste Mir Bitocin, dëshmia në Polici: Më tha Allahu
PiranjatPërditësimi i fundit 16 August 2026, 15:10
Janë zbardhur detaje nga tentativa e vrasjes së Miri Bitocit ditën e djeshme në një lokal në Elbasan. Burimet bëjnë me dije se e gjithë ngjarja ka zanafillën në vitin 2008, ku Poli Boriçi ka plagosur vëllain e Miri Bitocit, Luan Bitocin.
Pse u përhap versioni i hakmarrjes?
Fillimisht mediat nxorën versionin e ngjarjes sikur Bitoci kishte plagosur Boriçin në vitin 2008, por e vërteta është e kundërta e ngjarjes. Në fakt është Poli Boriçi që për herë të dytë ka tentuar të vrasë një nga familja Bitoci.
17 vite më parë Boriçi ka tentuar që të vrasë vëllanë e Mir Bitocit, Luan Bitocin dhe kjo tentativë ka përfunduar në plagosjen e këtij të fundit. Ende deri më sot nuk ka asnjë arsye të njohur për konfliktin por shkaku dyshohet se është për shkak se Boriçi vuan nga probleme të shëndetit mendor.
Pasi plagosi Bitocin në 2008-ën, ka qenë konkretisht vëllai i Polit që ka takuar familjen e Boriçit dhe u ka kërkuar që t’i falnin për ngjarjen e ndodhur për shkak se i vëllai vuan nga probleme të shëndetit mendor. Familja e Boriçit në atë vit ka zgjedhur që ta falnin për plagosjen dhe ta mbyllnin konfliktin aty, pa e zgjatur më shumë. Ndërsa Boriçi ka bërë vetëm 6 muaj burg për plagosjen dhe më pas është lënë i lirë.
Ndërkohë që ditën e djeshme, pasi rastisi në një lokal me Mirin, Boriçi ka nxjerr armën që mbante gjithmonë me vete dhe ka tentuar që ta vrasë. Burimet nga familja e Bitocit, bëjnë me dije se Poli Boriçi kishte vetëm një javë që kishte ardhur në Shqipëri, pasi jetonte jashtë vendit.
Me armën e mbushur me 9 fishekë në karikator, Poli tentoi vrasjen e Bitocit. Ndërsa në Polici, Borici ka dëshmuar se Allahu ia kërkoi që të vriste Miri Bitocin.
“Ju më keni ardhur me 200 makina me xhama të zinj. Unë i shihja nga dritarja dhe më tha Allahu që ta vrisja”, ka dëshmuar Boriçi mbrëmjen e kaluar në Polici.
