“Mos e prek Memaliajn!” Me këtë mesazh dhe pankarta në duar, banorë të Memaliajt dolën në aksin kryesor që l...
AKTUALITET
19- vjeçarja Prayla Key Troplini i dha fund jetës në kushte të rënda psikologjike
PiranjatPërditësimi i fundit 10 Maj 2026, 17:39
Vajza në foto është Prayla Key Troplini… vetëm 19 vjeçe, me ëndrra dhe një jetë përpara, por që mëngjesin e kësaj të diele humbi jetën në një ngjarje tragjike që ka tronditur qytetin e Durrës. Sipas informacioneve paraprake, e reja dyshohet se është hedhur nga kati i pestë i një pallati, ndërsa burime bëjnë me dije se ajo ndodhej në gjendje të rënduar psikologjike. Një histori që lë pas dhimbje, lot dhe shumë pikëpyetje: A mund të ishte parandaluar kjo tragjedi? A po dëgjojmë mjaftueshëm thirrjet për ndihmë të të rinjve?
Banorët e zonës dhe kalimtarët kanë mbetur të shokuar nga ajo që panë, duke njoftuar menjëherë shërbimet e emergjencës. Fatkeqësisht, 19-vjeçarja kishte ndërruar jetë në vendngjarje si pasojë e plagëve të rënda. Forcat e policisë mbërritën menjëherë në vend dhe nisën hetimet për të zbardhur plotësisht rrethanat e kësaj ngjarjeje të rëndë, ndërsa trupi i pajetë u transportua për ekspertizë mjeko-ligjore.
Kjo ngjarje e dhimbshme është një kambanë alarmi për shoqërinë dhe familjet tona. Shëndeti mendor nuk duhet neglizhuar dhe as vuajtjet e heshtura të të rinjve. Ndonjëherë, një përqafim, një bisedë apo një “si je?” i sinqertë mund të shpëtojë një jetë.
