Një javë më parë, kreu i Sindikatës së Pavarur të Punonjësve të Policisë së Shtetit, Sadetin Fishta, deno...
AKTUALITET
24 ditë protesta kundër Reformës Territoriale, banorët në Divjakë:Të mbetet bashki më vete
PiranjatPërditësimi i fundit 23 August 2026, 22:28
Banorët e Divjakës kanë vijuar edhe këtë të diel protestat kundër propozimit për Reformën Territoriale, duke shënuar 24 ditë nga nisja e tubimeve. Protestuesit kundërshtojnë propozimin e Partisë Socialiste për shkrirjen e Bashkisë Divjakë dhe bashkimin e saj me Lushnjën.
Ata kërkojnë që Divjaka të vijojë të jetë njësi e veçantë administrative dhe që zëri i banorëve të merret në konsideratë.
“Ne do të mbrojmë bashkinë dhe Divjaka do të vazhdojë të jetë bashki, për t’i dhënë secilit prej jush që të zgjidhni vetë atë që do t’ju drejtojë në vijim”, u shpreh një prej protestueseve.
Gjatë protestës, disa qytetarë deklaruan se ndaj bizneseve kanë nisur vendosja e gjobave, të cilat, sipas tyre, synojnë të frenojnë pjesëmarrjen në protestë. Pavarësisht kësaj, banorët thanë se do të vijojnë tubimet deri në marrjen në konsideratë të kërkesës së tyre që Divjaka të mos shkrihet.
Protesta u mbyll me një marshim në rrugët e qytetit, nën thirrjet “Mazniku propozon, Divjaka kundërshton”, “Divjaka bashki” dhe “Divjaka e qytetarëve, jo e pushtetarëve”. Në përfundim, protestuesit e Divjakës iu bashkuan edhe thirrjeve të protestës në Tiranë, duke kërkuar dorëheqjen e kryeministrit Edi Rama.
