Këshilli i Lartë Gjyqësor ka propozuar rritje të numrit të gjyqtarëve në vend për të ndihmuar në uljen e stoku...
AKTUALITET
25-vjeçari qëllon me armë zjarri babë e bir, i riu ndërron jetë në spital!
PiranjatPërditësimi i fundit 8 September 2026, 07:32
Një ngjarje e rëndë është shënuar në Shkodër, ku një 25-vjeçar ka qëlluar me armë zjarri në drejtim të dy shtetasve, babë e bir, 63 dhe 24-vjeç. Ata u dërguan në spital, por 24-vjeçari nuk mundi t’u mbijetojë plagëve.
Policia bën me dije se ngjarja është shënuar rreth orës 05:30, në lagjen “Kongresi i Përmetit”, ku pas një sherri, 25-vjeçari A. V ka plagosur me armë zjarri babë e bir, Q. L 63 vjeç dhe Y. L 24 vjeç.
I plagosur me thikë ka mbetur edhe vetë autori, ndërsa është vënë në pranga nga policia. 24-vjeçari ndërroi jetë në spital, ndërsa autorit i është sekuestruar pistoleta me të cilën kreu krimin.
Policia thotë se po punon për të sqaruar rrethanat e ngjarjes.
Njoftimi i policisë
Rreth orës 05:30, në lagjen “Kongresi i Përmetit”, Shkodër, dyshohet se, si pasojë e një konflikti për motive të dobëta, shtetasi A. V. ka plagosur me armë zjarri shtetasit Q. L., 63 vjeç, dhe Y. L., 24 vjeç (babë e bir), ndërsa këta të fundit dyshohet se kanë plagosur me mjet prerës (thikë) shtetasin A. V., 25 vjeç.
Si pasojë e plagëve të marra, shtetasi Y. L., 24 vjeç, ka ndërruar jetë në spital.
Shërbimet e Policisë kanë shkuar në vendngjarje, ku kanë bërë të mundur kapjen dhe shoqërimin e shtetasit A. V., si dhe gjetjen dhe sekuestrimin e armës së zjarrit, pistoletë, që dyshohet se është përdorur në ngjarje.
Grupi hetimor vijon veprimet për sqarimin e plotë të rrethanave të ngjarjes, përcaktimin e përgjegjësive dhe dokumentimin e plotë ligjor të saj.
