16-vjeçari Arjon Xhezairi ka ndërruar jetë në Spitalin e Traumës në Tiranë, pasi nuk arriti t’u mbijetonte plagë...
AKTUALITET
A do të mbushet bregdeti i Semanit me parqe foto voltaike? Subashi hap 5 tendera për dhënie me qira të 391 mijë m2 tokë
Nga Elton QynoPërditësimi i fundit 14 September 2026, 14:15
Përmes 5 procedurave tenderuese të hapura në Ditën e parë të Shkollës, kryetari i bashkisë Fier, Armando Subashi, i ka ndezur dritën jeshile një praktike për dhënies me qëra për një periudhe 20 vjeçare, të 5 sipërfaqeve tokësore në Sheq Marinas dhe Grykë, fshatra këto bregdetarë që i përkasin njësisë administrative Topojë, Fier.
Gazetari Elton Qyno, ka mësuar se bëhet fjalë për një sipërfaqe totale prej më shumë se 391 mijë metra katror, që Bashkia Fier ka nxjerë procedurë tenderuese, me qëllim dhënien me qëra tek privatët për ushtrim të kativitetit tregtar në fusha të ndryshme.
Sipas dokumentave të siguruara, 5 pasuritë të llojit ranishte dhe tokë pa frut, janë në pronësi të bashkisë Fier, ndaj dhe sot është hedhur procedura për dhënien me qëra të tyre për një aaft 20 vjeçar.
Të gjitha sipërfaqet prej 109.800 m2, 76.000 m2, 76.443 m2, 68.835 m2 dhe 60.000 m2, ndodhen në zonën bregdetare të Adriatikut, dhe shumë pranë grykëderdhjes së lumit Seman.
Ndërkohë vlera financiare dysheme që ka përllogaritur bashkia e Fierit për pagesë 1 hektarë në vit, është vetëm 270 mijë lekë të vjetra.
Vitet e fundit sipërfaqe të tëra toke të kësaj zone, janë marë dhe mbi to subjekte private kanë ndërtuar parke FotoVoltaikë me panele diellore.
Me sa duket, e njëjta situata synohet të bëhet edhe në këtë rast. Ku privatëve do u ofrohet me qëra nga ana e bashkisë Fier 391 mijë m2 tokë dhe më pas subjektet e interesuara do ndërtojnë aty panelet diellore.
Kjo procedurë është në hapat e parë dhe pritet që ajo të mbyllet me dorëzimin e ofertave për subjektet e interesuara deri në datën 25 shtator 2026.
Pas këtij afati një Komision i Vlerësimit të Ofertave i ngritur në bashkinë e Fierit, do vendosi për caktimin e subjekteve fituese në 5 pasuritë që synohet të jepen me qëra nga bashkia e Fierit./Syri.net
