Aksident i trefishtë në afërsi të Rinasit, njëra makinë e anuar në mes të rrugës, paralizohet qarkullimi i makinave

Një aksident i trefishtë ka ndodhur mbrëmjen e sotme në autostradën Tiranë-Durrës, në afërsi të Qafë-Kasharit, te mbikalimi i Rinasit. Paraprakisht raportohet se për pasojë e përplasjes së tre makinave, mjetet kanë pësuar dëme materiale, ndërsa dyshohet se ka mbetur i plagosur një person.

Në vendngjarje kanë dalë menjëherë autoritetet vendase të cilat po punojnë për zbardhjen e rrethanave të rastit. Ndërsa pritet që në vijim të kemi një reagim zyrtar nga autoritetet e të mësohet se nëse ka të plagosur si paraqitet gjendja e tij shëndetësore.

Referuar pamjeve të publikuara shikohet se njëri nga mjetet ka pësuar dëmtime në pjesën e përparme. Ndërsa mjeti i dytë shikohet i anuar në mes të rrugës. Po ashtu, raportohet se është pezulluar qarkullimi i makinave në zonë për disa minuta.