Aksident, makina përplas për vdekje këmbësorin

Një person është aksidentuar për vdekje nga një makinë, mbrëmjen e djeshme në aksin Lezhë-Milot.

Sipas njoftimit zyrtar nga policia, automjeti me drejtues shtetasin A. P., 42 vjeç, ka përplasur këmbësorin rreth 50 vjeç.

Policia thotë se pas ngjarjes ka shoqëruar drejtuesin e mjetit, i cili është marrë në pyetje për të sqaruar rrethanat e aksidentit.

“Rreth orës 23:00, në aksin rrugor Lezhë–Milot, automjeti me drejtues shtetasin A. P., rreth 42 vjeç, ka përplasur këmbësorin, shtetasin G. T., rreth 50 vjeç, i cili ka humbur jetën. Drejtuesi i automjetit, shtetasi A. P., është shoqëruar në ambientet e Komisariatit të Policisë Lezhë për kryerjen e veprimeve të mëtejshme procedurale”, bën me dije policia.

Ndërkohë grupi hetimor po punon për dokumentimin e plotë të rrethanave të aksidentit, si dhe për përcaktimin e shkakut të tij.