Aksident me pesë automjete në autostradën Tiranë-Durrës, krijohen radhë të gjata trafiku

Një aksident me përfshirjen e pesë automjeteve ka ndodhur mesditën e kësaj të hëne në autostradën Tiranë-Durrës, duke sjellë vështirësi në qarkullim dhe krijuar radhë të gjata mjetesh.

Sipas të dhënave paraprake, përplasja ka përfshirë disa automjete, ndërsa për pasojë lëvizja në këtë aks është ngadalësuar ndjeshëm.

Ende nuk ka informacion zyrtar nëse nga aksidenti ka persona të plagosur apo për gjendjen e tyre shëndetësore.

Në vendin e ngjarjes kanë shkuar efektivët e Policisë dhe shërbimet përkatëse, të cilat po menaxhojnë trafikun dhe po hetojnë për zbardhjen e shkaqeve dhe dinamikës së aksidentit.