16-vjeçari Arjon Xhezairi ka ndërruar jetë në Spitalin e Traumës në Tiranë, pasi nuk arriti t’u mbijetonte plagë...
AKTUALITET
Aksident në aksin Elbasan–Cërrik, humbi kontrollin e motorit dhe u përplas me barrierat anësore të rrugës, ndërron jetë 31-vjeçari
PiranjatPërditësimi i fundit 5 September 2026, 09:27
Një aksident i rëndë rrugor është shënuar pas mesnate në aksin Elbasan–Cërrik në Gjergjan , ku një 31-vjeçar ka humbur jetën si pasojë e përplasjes me barrierat anësore të rrugës.
Sipas të dhënave paraprake, viktima është shtetasi Mikail Kastlli 31 vjeç nga Gostima, i cili ishte duke udhëtuar me motomjetin e tij në këtë aks rrugor. Për rrethana ende të paqarta, drejtuesi ka humbur kontrollin mbi motomjetin, duke dalë nga rruga dhe duke u përplasur me barrierat mbrojtëse anësore.
Përplasja ka qenë e fortë dhe 31-vjeçari ka marrë dëmtime të rënda trupore. Pavarësisht ndërhyrjes së shërbimeve të urgjencës, ai nuk ka mundur t’u mbijetojë plagëve dhe ka humbur jetën në vendngjarje.
Nga të dhënat paraprake, dyshohet se shpejtësia mund të ketë qenë një prej faktorëve që ka ndikuar në humbjen e kontrollit të motomjetit, por shkaku i saktë i aksidentit pritet të përcaktohet nga hetimet.
Në vendngjarje ishin shërbimet e Policisë dhe ekipet e emergjencës, ndërsa grupi hetimor ka nisur veprimet për të dokumentuar rrethanat e aksidentit dhe për të përcaktuar dinamikën e plotë të ngjarjes.
Materialet procedurale pritet t’i kalojnë Prokurorisë për veprime të mëtejshme, ndërsa vijojnë hetimet për zbardhjen e plotë të shkaqeve të aksidentit.
Më datë 04.09.2026, rreth orës 23:30, në aksin rrugor “Cërrik-Elbasan”, shtetasi M. K., 31 vjeç, dyshohet se ka humbur kontrollin mbi drejtimin e motomjetit dhe, për pasojë, motomjeti është përplasur me barrierën anësore të rrugës.
Si pasojë e përplasjes, shtetasi M. K. ka humbur jetën në vendin e ngjarjes.
Grupi hetimor, nën drejtimin e Prokurorisë, vijon veprimet për përcaktimin e shkakut të aksidentit dhe dokumentimin ligjor të rastit.
