Aksident në aksin Rrëshen-Skuraj, 7 persona të plagosur, mes tyre dy të mitur

Një aksident rrugor është regjistruar paraditen e sotme në aksin Rrëshen-Skuraj, në vendin e quajtur Fang, ku dy automjete janë përplasur me njëri-tjetrin.

Sipas informacionit paraprak të Policisë, ngjarja ka ndodhur rreth orës 11:00, ndërsa në përplasje janë përfshirë automjeti me drejtues shtetasin me inicialet D. L. dhe një tjetër automjet që drejtohej nga shtetasi A. L.

Për pasojë të aksidentit kanë mbetur të dëmtuar të dy drejtuesit e mjeteve, pasagjerët Y. L., K. L. dhe A. L., si dhe dy fëmijë të mitur, përkatësisht 12 dhe 9 vjeç. Të gjithë të lënduarit janë transportuar në spital për të marrë ndihmën mjekësore dhe, sipas bluzave të bardha, ndodhen jashtë rrezikut për jetën.

Njoftimi:

Milot/Informacion paraprak

Më datë 19.07.2026, rreth orës 11:00, në aksit rrugor Rrëshen–Skuraj, në vendin e quajtur Fang, automjeti me drejtues shtetasin D. L. është përplasur me automjetin tjetër me drejtues shtetasin A. L. Si pasojë e aksidentit janë dëmtuar drejtuesit e automjeteve dhe pasagjerët Y. L., K. L. dhe A. L., si dhe dy të mitur, 12 vjeç dhe 9 vjeç.

Të dëmtuarit janë transportuar për ndihmë mjekësore jashtë rrezikut për jetën.

Grupi hetimor ndodhet në vendngjarje dhe po kryen veprimet procedurale për sqarimin e plotë të rrethanave të aksidentit.