Aksident në hyrje të Lushnjës, “Benzi” përplaset me shtyllën elektrike

Një aksident rrugor është regjistruar mëngjesin e kësaj të marte në hyrjen jugore të qytetit të Lushnjës, ku një automjet ka dalë nga rruga dhe është përplasur me një shtyllë të tensionit të mesëm.

Fatmirësisht, nga aksidenti nuk raportohet për persona të lënduar, ndërsa janë shkaktuar vetëm dëme materiale.

Nga të dhënat paraprake dyshohet se drejtuesi i automjetit ka humbur kontrollin për shkak të shpejtësisë së lartë, ndërsa hetimet vijojnë për të përcaktuar shkakun e plotë të aksidentit.