Aksident në Krujë/ Niset drejt Traumës një person

Një aksident rrugor është regjistruar pak minuta më parë në afërsi të fshatit Mazhe të Krujës, ku dy automjete janë përplasur me njëri-tjetrin dhe kanë përfunduar jashtë rruge.

Si pasojë e përplasjes, tre persona kanë mbetur të plagosur, ndërsa një grua është transportuar me urgjencë drejt Spitalit të Traumës në Tiranë për të marrë ndihmë mjekësore të specializuar.

Në vendngjarje kanë mbërritur shërbimet e Policisë, të cilat po punojnë intensivisht për zbardhjen e plotë të rrethanave dhe shkaqeve të këtij aksidenti.