Aksident në Tiranë, përleshje mes të përfshirëve/ Dyshohet se efektivi i policisë nxori armën

Një aksident automobilistik është regjistruar mbrëmjen e sotme në afërsi të fshatit Ibë, në Tiranë, ku janë përfshirë dy automjete.

Sipas informacioneve paraprake, njëri prej automjeteve drejtohej nga një punonjës policie. Pas përplasjes, situata është përshkallëzuar në një konflikt fizik mes disa personave të përfshirë në ngjarje.

Burime bëjnë me dije se gjatë përleshjes dyshohet se efektivi i policisë ka nxjerrë armën e shërbimit, por nuk ka qëlluar me të.

Për shkak të përfshirjes së një punonjësi policie në incident, hetimet për zbardhjen e plotë të rrethanave të ngjarjes i kanë kaluar Agjencisë së Mbikëqyrjes Policore (AMP), e cila pritet të verifikojë veprimet e efektivit.

Ndërkohë, po hetohen shkaqet e aksidentit, si edhe dinamika e konfliktit që pasoi përplasjen mes dy automjeteve.