Aksident në unazën e Fierit, shoferi humb kontrollin e BMW-së dhe përplaset me dy makina të parkuara, mbetet i plagosur

Një aksident rrugor ka ndodhur pasditen e kësaj të shtune në unazën e qytetit të Fierit, ku një automjet tip BMW ka humbur kontrollin dhe është përplasur me dy automjete të parkuara në anë të rrugës.

Si pasojë e përplasjes së fortë, drejtuesi i mjetit ka mbetur i lënduar.

Ai është transportuar me autoambulancë në Spitalin Rajonal të Fierit, ku po merr ndihmën e nevojshme mjekësore.

Ndërkohë, policia ka mbërritur në vendngjarje dhe po punon për zbardhjen e shkaqeve të aksidentit, si dhe për normalizimin e qarkullimit në zonë.