Aksident në zonën e Pyllit të Sodës në Vlorë, plagosen dy vajza

Një aksident rrugor është regjistruar në zonën e Pyllit të Sodës, në Vlorë, ku janë përplasur një kamion dhe një automjet.

Si pasojë e përplasjes, dy vajza kanë mbetur të plagosura.

Në vendngjarje kanë mbërritur shërbimet e Policisë, ambulanca dhe forcat zjarrfikëse, të cilat kanë ndërhyrë për t’u ardhur në ndihmë të lënduarave, si dhe për të normalizuar qarkullimin në zonë.

Të plagosurat janë transportuar drejt Spitalit Rajonal të Vlorës, ku po marrin ndihmën e nevojshme mjekësore.

Përveç të lënduarave, aksidenti ka shkaktuar edhe dëme të konsiderueshme materiale në mjetet e përfshira.

Policia ka nisur hetimet për të përcaktuar shkaqet dhe rrethanat e aksidentit, ndërsa pritet një njoftim zyrtar me detaje të mëtejshme.