Aksioni i SPAK për hetimet ndaj AKSHI-t, kontrolle edhe te kompleksi i vilave të ‘Visit të Pojës’

SPAK ka ushtruar kontrolle edhe në një kompleks vilash në Shkozet të Durrësit, në kuadër të fraksionit të ri të hetimeve të dosjes AKSHI. Mësohet se bëjnë me dije se kompleksi i vilave është në pronësi të Elvis Doçit, i njohur edhe si “Visi i Pojës”, i cili sipas burimeve është një personazh i njohur i botës së krimit në Durrës dhe rezulton ende në arrati.

Kontrolli në kompleks është zhvilluar paraditen e sotme nga forcat RENEA, në kuadër të operacionit të SPAK.

SPAK dhe BKH kanë ushtruar kontrolle mëngjesin e sotëm në disa banesa në Tiranë, përfshirë banesat e drejtoreshës së Shërbimit Informativ të Shtetit, Vlora Hyseni, ish-drejtorit të Përgjithshëm të Policisë së Shtetit, Ilir Proda, dhe disa ish-zyrtarëve të tjerë. 

Kontrolli dyshohet se lidhet me skandalin e AKSHI-t, pasi në telefonat e Ergys Agasit dhe Uljan Shpatarakut janë gjetur disa komunikime.