Spitalet vijojnë të kenë mangësi në pajisje, përveç mungesëa së konstatuar dhe të ngritur si problematik&e...
AKTUALITET
Aktivisti: 72 ditë rezistencë, protesta më e bukur që ka parë Shqipëria
PiranjatPërditësimi i fundit 10 Gusht 2026, 20:44
Protesta kundër qeverisë vijon për të 72-tën ditë radhazi, ndërsa qytetarë dhe aktivistë janë mbledhur sërish para Kryeministrisë, duke kërkuar dorëheqjen e kryeministrit Edi Rama.
Gjatë tubimit, aktivisti Edison Lika e cilësoi protestën si një rezistencë mbarëkombëtare, duke theksuar se kërkesa e protestuesve mbetet e pandryshuar që prej nisjes së saj.
“Bashkohemi përsëri në shesh në ditën e 72-të të kësaj proteste, më të bukurën që Shqipëria ka parë ndonjëherë. Bashkohemi sot në ditën e 72-të të kësaj rezistence mbarëkombëtare dhe kërkojmë edhe sot, si ditën e parë, dorëheqje”, u shpreh Lika.
Ndërkohë, protestuesit kanë vijuar me thirrjet kundër qeverisë dhe kryeministrit, duke brohoritur: “Rama jep dorëheqjen” dhe “Edi Rama dil në bulevard, atdheu është i yni, jo biznes privat!”.Në protestë janë dëgjuar edhe thirrje të tjera politike, mes tyre: “Sara Mila, ushtri e Sulltanit, ke të fala nga burgu i Elbasanit!”, “Ramovic, o tradhtar, jep dorëheqjen sa më parë!” dhe “Ju erdhi fundi!”.
Tubimi vijon para Kryeministrisë, ndërsa protestuesit shprehen se do të vijojnë qëndrimin e tyre deri në plotësimin e kërkesës për dorëheqjen e qeverisë.
