Një ngjarje e paprecedentë ka ndodhur në ambientet e paraburgimit Nr. 313 në Tiranë, ku pikërisht në sektorin e siguris&eum...
AKTUALITET
Aktivistja: Më 7 shtator, protesta e 100-të, të gjithë në shesh! Nuk ndalemi pa ikur kjo klasë politike
PiranjatPërditësimi i fundit 3 Shtator 2026, 20:38
Aktivistja Luçiana Kokaj, gjatë protestës së 96-të kundër qeverisë, ka paralajmëruar nisjen e protestave të banorëve të Rrjollit për çështjen e pronave dhe tokave të tyre.
Sipas Kokajt, banorët e Rrjollit do të nisin protestat më 12 shtator, ndërsa ajo u ka bërë thirrje qytetarëve që t’u bashkohen dhe t’i mbështesin në kauzën e tyre.
“Ne nuk ndalemi vetëm me ligjin, as me anulimin e investimeve strategjike, as me anulimin e Paketës së Maleve dhe Kodit Zgjedhor. Pa ikur kjo klasë e vjetër politike, ne nuk ndalojmë dhe nuk mjaftohemi”, u shpreh Kokaj.
Aktivistja ndaloi edhe te protesta e 100-të, e cila sipas saj do të mbahet më 7 shtator. Ajo kërkoi pjesëmarrje masive të qytetarëve, duke bërë thirrje që protestuesit të mblidhen përpara Kryeministrisë.
“Duhet të jemi të gjithë bashkë në këtë shesh për të rrethuar Kryeministrinë derisa kryeministri i vjedhur i shqiptarëve të largohet”, deklaroi ajo.
Kokaj paralajmëroi gjithashtu se më 12 shtator pritet të mbërrijnë edhe pjesëtarë të diasporës, duke kërkuar që protestuesit të jenë të bashkuar për këtë etapë të rezistencës.
Sipas saj, presioni i qytetarëve do të vijojë deri në ndryshimin e situatës politike në vend.
