Alarm në Tepelenë/ Bie fasada në pallatet e rikonstruktuara nga Bashkia

Në disa pallate, fasadat e të cilave janë rikonstruktuar nga Bashkia e Tepelenës, kanë nisur të shkëputen pllaka dhe pjesë të veshjes së jashtme, duke rënë në tokë dhe duke krijuar rrezik për kalimtarët.

Banorët thonë se, në disa raste, materialet kanë nisur të "fluturojnë" nga lart, ndërsa edhe në çati duken shenja amortizimi dhe shkëputjeje të shtresave të suvatimit.

Situata e krijuar ngre pikëpyetje mbi cilësinë e punimeve të kryera dhe sigurinë e objekteve të rikonstruktuara. Banorët kërkojnë ndërhyrje të menjëhershme nga institucionet për të shmangur ndonjë aksident të mundshëm. /Piranjat News/