I ftuar në një intervistë në edicionin e mesditës në Syri TV, avokati Saimir Vishaj u shpreh se GJKKO-ja ka tejkaluar kompetenca...
AKTUALITET
Alban Eftimi i "Atelier 4" dëshmon në SPAK për dosjen e Belinda Ballukut
PiranjatPërditësimi i fundit 3 Shtator 2026, 13:14
Alban Eftimi i kompanisë “Atelier 4” është paraqitur këtë të enjte në Prokurorinë e Posaçme, ku ka dhënë deklarime në kuadër të hetimeve që po zhvillohen ndaj ish-zëvendëskryeministres dhe ish-ministres së Infrastrukturës dhe Energjisë, Belinda Balluku.
Në fund të muajit korrik, SPAK ka kryer një kontroll në ambientet e kompanisë “Atelier 4”, në kuadër të të njëjtit hetim.
Sipas burimeve të raportuara, gjatë kontrollit janë sekuestruar dokumente dhe materiale që lidhen me projektin e arredimit të një vile luksoze në jug të vendit. Prokurorët e posaçëm po analizojnë materialet e sekuestruara dhe po i krahasojnë ato me provat e tjera të administruara gjatë hetimit.
Bëhet fjalë për një vilë në Dhërmi, e cila është sekuestruar më herët nga autoritetet, pasi dyshohet se mund të jetë një pasuri e padeklaruar që lidhet me Belinda Ballukun.
Hetimet ndaj ish-zëvendëskryeministres përfshijnë dyshime për korrupsion dhe pastrim parash.
Ndërkohë, Balluku është gjithashtu e pandehur në një tjetër dosje që lidhet me tenderin për ndërtimin e tunelit të Llogarasë dhe lotet e Unazës së Jashtme të Tiranës, nën akuzën për shkelje të barazisë së pjesëmarrësve në tendera apo ankande publike.
