Tenderi 50 milionë euro për mirëmbajtjen e akseve rrugore kombëtare është është shndërruar në një skandal...
AKTUALITET
Algjeriani e qëlloi me shtizë, Prokuroria: Vrasja e të riut shqiptar e qëllimshme, jo vetëmbrojtje
PiranjatPërditësimi i fundit 9 Prill 2026, 17:47
Gjykata e Apelit të Ankonës po shqyrton ankimimin e Prokurorisë mbi të pandehurin Fatah Melloul, i dënuar me 18 vite burgim në shkallën e parë për vrasjen shqiptarit Klajdi Bitri në 2023-in.
Prokurori në deklaratën e tij (9 prill) tha se nuk ishte një vrasje për vetëmbrojtje, por me dashje, pas një debati për trafikun në rrugë.
“Prokurori i Përgjithshëm Roberto Rossi përfundoi sot argumentin e tij përfundimtar në gjyqin në Gjykatën e Apelit në Ankona, në lidhje me krimin që ndodhi në Sirolo më 27 gusht 2023, në Via Cilea. Atë pasdite, pas një debati trafiku, një algjerian 29-vjeçar, Fatah Melloul, vrau një shqiptar 23-vjeçar, Klajdi Bitri, me një pushkë me shtiza”, informon media italiane.
Në seancën e sotme të apelit, i pandehuri bëri deklarata spontane në prani të avokatit të tij mbrojtës, Davide Mengarelli, i cili kërkoi që akuzat të uleshin për të përfshirë vetëmbrojtjen.
“Ne jemi qenie njerëzore dhe qeniet njerëzore bëjnë gabime. Nuk e di se si mund të ketë ndodhur. Ishte një ditë e nxehtë dhe nuk munda të kuptoja asgjë. Mora shtizën për t’i trembur vizualisht; nuk e kuptova që dikush kishte vdekur”, tha ai. I riu me orgjinë nga Lushnja u vra më 23 gusht nga algjeriani Fatah Melloul me shtizën e peshkimit teksa ndërhyri për të ndihmuar shokun e tij italian që po sulmohej nga Melloul. Ky i fundit e qëlloi Bitrin me shtizë duke i shkaktuar vdekjen e menjëhershme.
