Ministria e Drejtësisë ka reaguar lidhur me transferimin e Erion Veliajt nga ambientet e paraburgimit, duke sqaruar se lëvizja drejt Institucioni...
AKTUALITET
Anija ruse ndalet në Durrës/ Transportoi mbi 30 mijë tonë produkte nafte, kapiteneria i 'mbyll derën' tanker-it “Hanuman”
PiranjatPërditësimi i fundit 29 August 2026, 08:41
Kapiteneria e Portit të Durrësit ka ndaluar hyrjen në radën e portit të një tankeri të listuar nga Inteligjenca e Mbrojtjes së Ukrainës si pjesë e “flotës hije” ruse.
Anija “Hanuman”, që lundron nën flamurin e Sierra Leones, nuk është lejuar të hyjë në port më 28 gusht.
Bëhet fjalë për tankerin me numër IMO 9295048, i cili sipas të dhënave të publikuara nga GUR është përfshirë në transportin detar të naftës ruse dhe produkteve të saj, në shkelje të sanksioneve dhe kufirit të çmimit të vendosur nga G7 dhe Bashkimi Europian.
Sipas databazës së shërbimit ukrainas, në shtator të vitit 2025 “Hanuman” ka transportuar më shumë se 30 mijë tonë produkte nafte ruse nga porti i Novorossiysk, në Rusi, drejt Turqisë.
Anija është gjithashtu e evidentuar për raste të fikjes së sistemit të identifikimit automatik, AIS.
Në të dhënat e publikuara për të përfshihen edhe vizitat në porte ruse dhe lëvizje të tjera të saj, mes tyre edhe në Durrës.
Kapiteneria e Durrësit ka vendosur të mos lejojë hyrjen e tanker-it në radën e portit, në një kohë kur aktiviteti i anijeve të lidhura me transportin e naftës ruse po monitorohet nga afër nga autoritetet ndërkombëtare.
Termi “flotë hije” përdoret për një rrjet anijesh që dyshohet se përdoren për të transportuar naftë dhe produkte të tjera ruse duke shmangur kufizimet dhe sanksionet e vendosura pas nisjes së luftës në Ukrainë.
Rasti i “Hanuman” e vendos edhe portin e Durrësit në vëmendje, pasi anija figuron në të dhënat e GUR për aktivitetet dhe itineraret e saj të mëparshme. Vendimi i Kapitenerisë ka parandaluar hyrjen e saj në port më 28 gusht.
