L
Një plagosje me thikë ka ndodhur rreth mesditës në Durrës, në zonën e Shkozetit. Një i ri, rreth 25 vjeç, &eum...
AKTUALITET
Apeli i GJKKO vendosi rikthimin e tij në qeli/ Avokati i Lefter Kokës tregon pse ish-ministri ndodhet jashtë vendit
PiranjatPërditësimi i fundit 16 Maj 2026, 16:10
Vendimi i Gjykatës së Posaçme të Apelit ndaj ish-ministrit Lefter Koka nuk mund të zbatohet për ta rikthyer në qeli për të vuajtur dënimin e mbetur. Avokati ish-ministrit Koka, Maksim Sota, deklaroi se ai ndodhet jashtë Shqipërisë prej më shumë se katër muajsh, ku po merr trajtim të specializuar mjekësor.
Sipas tij, problemet shëndetësore janë shfaqur që gjatë kohës kur Koka vuante dënimin në burg, ndërsa pas lirimit në dhjetor ai udhëtoi jashtë vendit për kurim. Për këtë arsye, vendimi i Gjykatës së Posaçme të Apelit për rikthimin e tij në qeli mbetet ende i paekzekutuar.
Gjykata e Posaçme, në prill të vitin 2025, dënoi me 3 vjet burg ish-Ministrin e Mjedisit Lefter Koka për inceneratorin e Tiranës. Nga gjykimi i shkurtuar dënimi i zbriti në 2 vite, kohë që do të konsiderohet e shlyer me qëndrimin në paraburgim.
Bashkë me burgun që ka kryer, Koka nuk lejohet që të mbajë funksione publike për 5 vite. SPAK çoi për gjykim një pjesë të të akuzuarve për inceneratorin e Tiranës mes të cilëve edhe ish-ministrin e mjedisit Lefter Koka, si dhe disa ish-zyrtarë të bashkisë së Tiranës dhe anëtarë të komisionit të vlerësimit të ofertave.
