Sekretari amerikan i Shtetit, Marco Rubio, ka kritikuar ashpër Meksikën për atë që e cilësoi si masa të pamjaftueshme kund&...
AKTUALITET
Arrestohen dy bashkëshortë në Kolonjë për kultivim të 270 bimëve kanabis
Piranjat NewsPërditësimi i fundit 10 Shtator 2026, 10:11
Pas disa javësh hetime me metoda proaktive, shërbimet e Komisariatit të Policisë Kolonjë finalizuan operacionin e koduar “Partners” për goditjen e veprimtarive kriminale në fushën e narkotikëve. U arrestuan në flagrancë dy bashkëshortë, të dyshuar për kultivimin e 270 bimëve të dyshuara narkotike Cannabis Sativa.
Njoftimi i plotë
Si rezultat i hetimeve të kryera për disa javë, me metoda proaktive, në drejtimin e Prokurorisë, shërbimet e Komisariatit të Policisë Kolonjë finalizuan operacionin e koduar “Partners” për goditjen e veprimtarive kriminale në fushën e narkotikëve.
Gjatë operacionit u arrestuan në flagrancë shtetasit L. V., 64 vjeç, dhe A. V., 54 vjeçe (bashkëshortë), banues në fshatin Gjirakare. Nga hetimet dyshohet se këta shtetas kanë kultivuar 270 bimë të dyshuara narkotike Cannabis Sativa në një zonë të pyllëzuar në afërsi të banesës së tyre. Bimët u asgjësuan me anë të djegies.
Gjatë kontrollit në banesën e tyre u gjetën dhe u sekuestruan 2 thasë me lëndë të dyshuar narkotike Cannabis Sativa (bimë të prera, në proces tharjeje), të cilët u morën në cilësinë e provës materiale.
Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme./Piranjat News
