Arrestohet 32-vjeçari shqiptar në Greqi, akuzohet për tentativë vrasjeje

Policia greke ka arrestuar një 32-vjeçar shqiptar, i cili kërkohej për një tentativë vrasjeje të ndodhur në prill të vitit 2026 në Patra, ku një 22-vjeçar mbeti i plagosur me armë zjarri.

Arrestimi u krye në orët e para të mëngjesit të së martës, më 28 korrik, gjatë një operacioni të koordinuar nga Drejtoria për Luftën kundër Krimit të Organizuar, njësitë speciale EKAM, Sektori për Luftën kundër Zhvatjes dhe grupet operacionale të Policisë greke.

Sipas autoriteteve, ndaj 32-vjeçarit ishte lëshuar urdhër arresti për veprat penale të tentativës së vrasjes dhe shkeljes së legjislacionit për armët.

Policia bëri të ditur gjithashtu se ai ka qenë i njohur më parë për autoritetet për përfshirje në vepra të ngjashme dhe të tjera penale.