Arrestohet në Greqi 58-vjeçari i dënuar për vrasje, pritet ekstradimi drejt Shqipërisë
Një 58-vjeçar shqiptar, i identifikuar me inicialet A.K., është arrestuar nga autoritetet greke në kuadër të operacionit “Të Kërkuarit”, pas bashkëpunimit mes Policisë së Shtetit dhe Policisë Helenike.
Sipas autoriteteve, 58-vjeçari ishte shpallur në kërkim ndërkombëtar, pasi Gjykata e Shkallës së Parë në Fier e kishte dënuar më 27 qershor 2013 me 14 vite burg për veprat penale të “vrasjes me dashje” dhe “prodhimit e mbajtjes pa leje të armëve dhe municioneve”.
Ngjarja për të cilën ai u dënua daton në vitin 1999, kur gjatë një konflikti me tre persona dyshohet se hapi zjarr ndaj tyre. Si pasojë, njëri prej tyre humbi jetën, ndërsa dy familjarë të viktimës mbetën të plagosur. Pas ngjarjes, A.K. u largua nga Shqipëria dhe u strehua në Greqi, ku u lokalizua dhe u vu në pranga nga autoritetet vendase.
Aktualisht ai ndodhet në paraburgim në Greqi, ndërsa kanë nisur procedurat ligjore për ekstradimin e tij drejt Shqipërisë, me qëllim ekzekutimin e dënimit të dhënë nga drejtësia shqiptare.
Lexo edhe
AKTUALITET
Digjen 5 mjete të tonazhit të rëndë në Kurbin, dyshohet për zjarrvënie të qëllimshme
Seanca për 21 të arrestuarit, protestuesi shfaq probleme shëndetësore
Vrau efektivin e policisë në Maliq, Violand Braçellari del nga spitali i Traumës
Përplasen dy automjete në aksin Tepelenë–Krahës, katër të plagosur
Qytetari denoncon shërbimin e Finikas Lines: Prenotova biletë me makinë, ma regjistruan si biçikletë dhe nuk më kthejnë paratë
Protestuesit distancohen nga incidenti te Komisariati Nr. 3: Aktet e dhunshme, vepër e provokatorëve të infiltruar
Dera gjysmë e hapur e BE-së për Ballkanin, cili shtet do të hyjë i pari?
Aksident në Korçë, makina përplaset me pemën dhe përmbyset në rrugë
