Një protestë po mbahet para ambienteve të Prokurorisë së Posaçme.
Qytetarët janë mbledhur pas deklaratave të f...
AKTUALITET
Arrestohet një shtetas dhe procedohen 15 të tjerë për veprime të kundërligjshme gjatë tubimit
PiranjatPërditësimi i fundit 10 Shtator 2026, 11:54
Një shtetas është arrestuar në flagrancë dhe 15 të tjerë janë proceduar penalisht pas veprimeve të kundërligjshme të kryera gjatë një tubimi të zhvilluar dje në Tiranë. Policia bllokoi disa kryqëzime kryesore të qytetit dhe sekueshtroi sasi narkotikësh te dy prej të proceduarve.
Njoftimi i plotë:
Në vijim të veprimeve hetimore dhe procedurale të kryera nga shërbimet e Komisariatit të Policisë Nr. 1 dhe të drejtuara nga Prokuroria, u identifikuan dhe u nxorën përpara përgjegjësisë penale disa shtetas të përfshirë në veprime të kundërligjshme gjatë tubimit të datës 9 shtator 2026 në Tiranë.
U arrestua në flagrancë shtetasi E. Q., 33 vjeç, i cili dyshohet se ka kryer veprat penale “Shkatërrimi i pronës”, “Kundërshtimi i punonjësit të policisë së rendit publik”, “Organizimi dhe pjesëmarrja në grumbullime e manifestime të paligjshme” dhe “Prishja e qetësisë publike”. Sipas policisë, ai dyshohet se ka dhunuar disa kalimtarë dhe ka dëmtuar automjetin e një qytetari.
Materialet u referuan në Prokurori edhe për 13 shtetas të tjerë – Sh. B., I. M., V. D., A. Rr., S. E., A. P., A. D., E. K., B. K., E. N., A. A., K. Gj. dhe H. T. – për të cilët nisi procedimi penal në gjendje të lirë për veprat penale “Kundërshtimi i punonjësit të policisë së rendit publik”, “Organizimi dhe pjesëmarrja në grumbullime e manifestime të paligjshme” dhe “Prishja e qetësisë publike”.
Për dy shtetas të tjerë, A. Zh. dhe M. R., nisi procedimi penal në gjendje të lirë edhe për veprën penale “Prodhimi dhe shitja e narkotikëve”, përveç veprave të mësipërme. Gjatë kontrolleve fizike te këta dy persona u gjetën sasi të lëndës së dyshuar narkotike Cannabis Sativa, e cila u sekuestrua si provë materiale.
Sipas policisë, këta shtetas ishin vendosur në disa prej kryqëzimeve kryesore të qytetit, duke bllokuar qarkullimin dhe penguar lëvizjen e lirë të automjeteve dhe qytetarëve. Pikat e bllokuara ishin Rruga e Elbasanit, Kryqëzimi i Urës së Drejtorisë së Policisë Tiranë, Kryqëzimi i Urës së Vasil Shantos, Kryqëzimi te 21 Dhjetori dhe Kryqëzimi te Inxhinieria e Ndërtimit.
Grupi hetimor vazhdon punën nën drejtimin e Prokurorisë për dokumentimin e plotë ligjor të veprimeve të kundërligjshme dhe identifikimin e të gjithë personave të përfshirë.
