Automjeti del nga rruga dhe përfundon në kanal, plagoset drejtuesja 27-vjeçare

Një aksident është shënuar mesditën e kësaj të diele në aksin rrugor Fier-Seman, në vendin e quajtur “Fermë Çlirim”, ku një automjet tip Mercedes Benz ka dalë nga rruga dhe ka përfunduar në kanalin anësor.

Për pasojë, ka mbetur e plagosur drejtuesja 27-vjeçare Zaide Deda, e cila është dërguar me urgjencë drejt Spitalit Rajonal Fier ku ndodhet në sallë.

Në vendngjarje kanë mbërritur menjëherë shërbimet e policisë dhe grupi hetimor të cilët po punojnë për përcaktimin e shkaqeve të këtij aksidenti.