Babai i 19-vjeçares shqiptare që humbi jetën në Greqi: S’duhet ta kisha lënë të dilte atë natë

Babai i 19-vjeçares Myrto, e cila humbi jetën në mënyrë të mistershme, ka folur i tronditur për mediat greke për vajzën e tij që ndërroi jetë.

Siç përshkruan ai, momentet e fundit që kaluan së bashku mbeten të skalitura në kujtesën e tij.

“E kisha këshilluar për gjithçka”, thotë ai, duke u përpjekur të përmbante emocionet. Ajo më thoshte: ” Babi, jam e kujdesshme, mos u shqetëso”.

Ishte një bisedë e zakonshme midis prindërve dhe fëmijëve, siç thotë ai, përveç se do të ishte një nga të fundit.

19-vjeçarja po bëhej gati të dilte atë natë. Babai i saj e kujton të qeshur dhe plot jetë.

“Isha krenar për të. Ishte e bukur, e lumtur”, askush nuk mund ta imagjinonte se çfarë do të ndodhte më pas”, tha ai,.

Rezultati tragjik kishte tronditur të gjithë vendin. Vajza e re u gjet e braktisur në rrugë, duke luftuar e vetme për jetën e saj. Rrethanat e incidentit shkaktojnë zemërim dhe trishtim ndërsa kërkohen përgjegjësit.

Megjithatë, për babanë e saj koha është ndalur në ato momente të fundit. “Nuk e duroj dot. Sapo u kthyem në shtëpi nga funerali “, tha ai.

Mendja e tij kthehet vazhdimisht te takimi i fundit me të bijën dhe pyet veten se çfarë mund të kishte bërë ndryshe.

“Do të doja të mos e kisha lënë atë natë, Është një mendim që i mundon shumë prindër që janë në pozicionin tim, që kanë humbur fëmijët e tyre, dhe kjo “nëse” që nuk gjen kurrë përgjigje ju mundon ditë pas dite. Unë kërkoj me ngulm që të gjithë prindërit të zgjohen dhe të qëndrojnë pranë fëmijëve të tyre, para se të jetë tepër vonë. E humba Myrton përgjithmonë dhe e vetmja gjë që dua është të shkoj ta takoj.”