Babai i dy fëmijëve gjendet i vrarë në banesë, zbardhet shkaku

Një ngjarje e rëndë është regjistruar në fshatin Portez të Fierit, ku një 40-vjeçar është gjetur i pajetë në banesën e tij, i qëlluar me armë zjarri.

Viktima është identifikuar si Taulant Halka, punëtor ndërtimi dhe baba i dy fëmijëve.

Paraprakisht dyshohet për vetëvrasje, ndërsa autoritetet po vijojnë hetimet për zbardhjen e plotë të rrethanave.

Sipas burimeve policore viktima jetonte në Vlorë dhe kishte konflikte me bashkëshorten e cila ka kërkuar urdhër mbrojtje.

Halka ishte larguar në Portëz të Fierit te shtëpia e prindërve dhe në kushte depresive është vetëvrarë.

Mësohet se 40-vjeçari është vetëvrarë me armë gjahu çifte në dhomën e gjumit. Çiftja ishte në pronësi të babait të tij dhe e kishte me leje.