Mediat portugeze i kanë kushtuar një artikull vrasjes së turistit portugez Luis Miguel Varela Mendes, i cili u godit me thikë nga Sok...
AKTUALITET
Denoncimi/ Adriatik Lapaj: Badigardët e Ramës morën në ajër Arjan Konomin dhe e plasën në komisariat
PiranjatPërditësimi i fundit 20 Gusht 2026, 20:17
Adriatik Lapaj ka denoncuar një situatë të pazakontë të ndodhur në fshatin Vuno.
Sipas tij, truprojat e kryeministrit Edi Rama, kanë marrë gazetarin Arjan Konomi dhe e kanë çuar në komisariat, pasi ky i fundit ka kërkuar që edhe makinat qeveritare të trajtohen njësoj si automjetet e kreut të qeverisë në qendër të fshatit.
Denoncimi:
Sot, në fshatin Vuno gazetari dhe publicisti Arjan Konomi është përballur me një sjellje rrugaçërore nga Kryeministri i vendit.
Z. Konomi është banor i fshatit Vuno. Policia aty çdo ditë i gjobit banorët vendas për parkimet e munguara. Sot, eskorta e Kryeministrit ka parkuar gabim e në kundërshtim me ligjin e ka zaptuar gjithë qendrën e fshatit. Z. Konomi ka shkuar dhe u ka kërkuar që të mbahet i njëjti standard edhe për zyrtarët e shtetit pavarësisht funksionit.
Ligjin së pari duhet ta zbatojë Kryeministri e mandej çdo qytetar. Çfarë ndodhi do thoni ju?
E kanë marrë Z. Konomi në ajër bodyguardët e Kryeministrit dhe e kanë dërguar në Komisariatin e Policisë Himarë.
Falë Zotit nuk u gjendej thikë në duar se janë sjellë njësoj si rrugaçët e diskove të baronëve të drogës! Mund të kishin bërë hatanë hajvanët!
E dënoj me forcë sjelljen përtej ligjit të shoqëruesve të Kryeministrit, por dhe të vetë Z. Rama i cili i lejon vetes të drejta mbi ligjin, madje dhe shoqërimin arbitrar të një qytetari pavarësosht kush është!
