Ministria e Drejtësisë ka reaguar lidhur me transferimin e Erion Veliajt nga ambientet e paraburgimit, duke sqaruar se lëvizja drejt Institucioni...
AKTUALITET
Banorët e Ali Demit ankohen për erën e padurueshme të koshave të plehrave: Nuk kalojmë dot në trotuar
Nga Xhuljan FerzajPërditësimi i fundit 30 August 2026, 10:23
Një qytetar ka sjellë në redaksinë e Piranjat News një denoncim për erën e rëndë dhe të padurueshme që vjen nga koshat e plehrave në lagjen Ali Demi.
Sipas denoncimit, koshat ndodhen tek kthesa, pak metra poshtë “Markatës”. Qytetari shprehet se është e pamundur të kalohet nga era e rëndë e koshave që nuk pastrohen dhe se banorët po sëmuren.
Në denoncimin e tij, qytetari shkruan:
“Keto kosha plehrash ndodhen ne Ali Demi, tek kthesa pak metra poshte ‘Markatës’, eshte e pa mundur te kalosh nga era e rëndë e koshave te plehrave qe nuk pastrohen, Po semuremi, ju lutemi publikojeni sepse Bashkia Tirane dhe konpania e pastrimit nuk Po e zgjidhin kete problem edhe pse jemi ankuar disa here. Koshat e plehrave duhen nderruar ose pastruar pasi mbajne ere shume te rende. Eshte ere e keqe vdekjepurese.”
Banorët pretendojnë se kanë bërë ankesa të shumta pranë Bashkisë Tiranë dhe kompanisë së pastrimit, por situata nuk ka ndryshuar. Ata kërkojnë që koshat të pastrohen rregullisht ose të ndërrohen, pasi era e keqe vazhdon të mbetet e fortë dhe e rrezikshme për shëndetin.
Redaksia e Piranjat News fton të gjithë qytetarët që kanë problematika të ngjashme ose të tjera në lagjet e tyre të bëjnë denoncime./ Piranjat News
