Dy punonjës policie janë pezulluar nga detyra pas vrasjes së 20-vjeçarit portugez Luis Miguel Varela Mendes në Ksamil. Konkretisht ...
AKTUALITET
Banorët e Divjakës protestojnë për të 20-tën ditë kundër shkrirjes së bashkisë me Lushnjen
PiranjatPërditësimi i fundit 19 Gusht 2026, 22:52
Qytetarët e Divjakës vazhdojnë të rezistojnë kundër shkrirjes së bashkisë dhe bashkimit me Lushnjen edhe pse kanë kaluar 20 ditë proteste.
Nga sheshi përpara Bashkisë Divjakë, ata kundërshtojnë projektin e PS të reformës administrative, që parashikon shkrirjen e bashkisë me atë të Lushnjës. Folësit, të cilët morën fjalën në protestë, kërkuan një angazhim më të madh nga banorët e Divjakës dhe njësive administrative përreth saj.
“Qëllimi është i vetëm, Divjaka të qëndrojë bashki. Është thirrje dhe dëshirë që e duam të gjithë banorët e Divjakës dhe të njësive administrative. Të gjithë faktet që kanë dalë vërtetojnë se Divjaka renditet në numrat më të lartë si nga zhvillimi ekonomik, në të ardhura, në demografi, në fuqi bujqësore. Atëherë cfarë e pengon qe të qëndrojë bashki?”, u shpreh një qytetar.
Një tjetër paralajmëroi se ditët e numëruara nuk i ka Divjaka, që rrezikon të shkrihet si bashki, por kryeministri Edi Rama për t’u larguar nga pushteti.
“Ditët e numëruara i ka Rama, jo Divjaka. Për turp ta kenë ata që nuk dalin në shesh dhe marrin kush e di sa miliona lekë. T’ju vijë zor.”, tha ai.
Protesta u mbyll me marshimin në rrugët e qytetit mes thirrjeve ndaj pushtetarëve për të mos e shkrirë bashkinë Divjakë.
