Banorët e rrugës “Dervish Luzha” në Babrru denoncojnë gjendjen skandaloze: Uji na hyn në shtëpi, rruga e pashtruar prej 30 vitesh
Një denoncim i ardhur në redaksinë tonë ngre shqetësimin e banorëve të rrugës “Dervish Luzha” në zonën e Babrrusë, në Kamëz, të cilët prej vitesh përballen me kushte të vështira infrastrukturore.
Sipas banorëve, rruga ku ata jetojnë nuk është shtruar prej rreth 30 vitesh, ndërsa situata është përkeqësuar edhe më shumë së fundmi për shkak të problemeve me rrjetin e ujësjellësit. Ata pretendojnë se tubacionet e ujit shpesh plasin, duke shkaktuar përmbytje në rrugë dhe depërtim të ujit brenda banesave.
“Po na hyn uji në shtëpi dhe po dëmtohen mjetet. Kjo situatë është e papranueshme,” shprehet një prej banorëve, i cili thekson se ankesat e vazhdueshme drejtuar institucioneve përkatëse nuk kanë marrë asnjë zgjidhje konkrete.
Pamjet e siguruara tregojnë një rrugë të amortizuar, me baltë dhe gropa, që e bën të vështirë lëvizjen e banorëve dhe automjeteve, sidomos gjatë ditëve me reshje.
Banorët i bëjnë thirrje Bashkisë Kamëz dhe kryetarit të saj që të ndërhyjnë sa më parë për rikonstruksionin e rrugës dhe zgjidhjen e problematikës së ujësjellësit, duke kërkuar kushte minimale jetese dhe siguri për familjet e tyre./Piranjat news
Lexo edhe
AKTUALITET
Del foto e 78-vjeçarit që u vra në shtëpinë e tij në Korçë, policia shoqëron disa persona
Vrasja e të moshuarit në Korçë ende mister, shoqërohen disa persona; dyshohet se autori njihte viktimën
Vrasja në Elbasan/ Apeli liron nga qelia Kujtim Pishën, rojen e biznesit të Mëhallës
Grabitje me forcë në Vlorë dhe Sarandë, 3 të arrestuar në pak orë
“Pjerin Ndreu shpërndan fshehtas ushqime”, denoncimi i qytetarit: Nuk ndihmoi invalidin sepse nuk votoi PS
