Një veshkë derri e modifikuar gjenetikisht ka mbajtur gjallë dhe pa dializë një 66-vjeçar për plot nëntë muaj, p&...
AKTUALITET
Bashkia Himarë thirrje qytetarëve: Largohuni nga banesat
PiranjatPërditësimi i fundit 4 Shtator 2026, 22:39
Një zjarr i përmasave të mëdha ka përfshirë mbrëmjen e sotme lagjen 1 Maji të Himarës, ku flakët po përhapet me shpejtësi drejt zonave të banuara. Raportohet deri më tani për dy banesa të djegura, ndërkohë që forca zjarrfikëse të bashkisë Himarë, por edhe të bashkive të tjera fqinje ndodhen në terren për shuarjen e flakëve.
Bashkia Himarë u bën thirrje banorëve të zonave të prekura nga zjarri që të zbatojnë menjëherë kërkesën për evakuim, për garantimin e sigurisë së tyre dhe të familjeve.
Gjithashtu mësohet se në rrezik nga flakët ndodhen edhe 40 banesa të tjera të zonës, ndërkohë është kërkuar edhe ndërhyrja e ushtrisë për të bërë të mundur vendosjen nën kontroll të zjarrit.
Deri më tani raportohet se në ndihmë të forcave operacionale të bashkisë Himarë, kanë shkuar forca nga Zjarrfikësja Vlorë, Finiq, Delvinë dhe Sarandë dhe 50 forca ushtarake, të cilët po bëjnë të mundur evakuimin e njerëzve dhe ruajtjen e perimetrit rreth shtëpive.
Njoftimi i autoriteteve:
THIRRJE PËR EVAKUIM – HIMARË Bashkia Himarë u bën thirrje banorëve të zonave të prekura nga zjarri që të zbatojnë menjëherë kërkesën për evakuim, për garantimin e sigurisë së tyre dhe të familjeve. Ju lutemi, bindjuni udhëzimeve të autoriteteve dhe largohuni nga zonat e rrezikuara. Siguria e qytetarëve është prioriteti i parë.
