“Bashkimi e bën fuqinë, Rama të japë dorëheqjen”/ Florian Haçkaj: Qëllimi është intimidim, por ne nuk i kemi frikë

TIRANA- Aktivisti i Diasporës Florian Haçkaj u bë pjesë e protestës së 42-të në Tiranë. Gjatë fjalës së tij në podiumin e vendosur para Kryeministrisë, ai u shpreh se protestuesit janë motivimi i diasporës. 

Ai shtoi se qëllimi i qeverisë dhe aktorëve të saj është intimidimi, ndërsa theksoi se qytetarët nuk kanë frikë nga ta. Në fund, aktivisti tha se bashkimi e bën fuqinë dhe se Rama të japë dorëheqjen.

Florian Haçkaj: Sot kam ardhur nga Zvicra me familjen direkt në protestë. Jeni heronjtë e të gjithëve ne. Ka pasur protesta gjithandej, motivimi jonë jeni ju. Ky kryeministër i çnderuar bëri një video 7 min për mua siç ka bërë për shumë prej jush. Qëllimi është intimidimi, nuk kemi frikë fare, as BB as TB, që kanë shpërndarë videon si dele. Këtu do jemi përditë. Mos u intimidoni, këta turpërohen kur njerëz të lrië dalin përditë.

Të merret vendimi i GJK që ato para të mos lëvrohen. Koha e frikës kaloi, sot është dita e 42-të. Merrni përdore miqtë familjare, kur zvogëlohet numri duhet të dalim të gjithë. Bashkimi e bën fuqinë. Rama të japë dorëheqjen.