“Besë të pabesit mos i jep”, protestuesi akuza Ramës: Në 5 premtime, 10 i ka gënjeshtra

Një prej protestuesve, gjatë fjalës së tij në protestën e 94-t kundër qeverisë, deklaroi se shumë shpjet kryeministri Rama dhe ata që e mbështesin do të shohin se çfarë do të ndodhë në ditët në vijim.

“Gjithçka është thënë në shesh e ka dëgjuar bota dhe Europa. E kanë dëgjuar çfarë u ka bërë shqiptarëve. Shumë shpejt edhe Rama dhe lëpirësit e tij jo vetëm që nuk e kanë dëgjuar, por do ta dëgjojnë këto dy muaj”, u shpreh protestuesi.

Ai akuzoi kryeministrin Edi Rama për mashtrim ndaj qytetarëve dhe ironizoi premtimet e tij politike. Protestuesi iu referua edhe shprehjes “Besë të pabesit mos i jep”, duke e përdorur atë në kritikën ndaj qeverisë.

“Pesë premtime, dhjetë rrena. Na mashtron dhe kërkon besën. Ne thoshim: ‘Besë të pabesit mos i jep’”, tha ai.