Bie zjarr në një banesë dykatëshe në Fier, dëme të mëdha materiale

Një zjarr ka përfshirë mbrëmjen e kaluar një banesë dykatëshe në lagjen “16 Prilli”, në Fier. Bëhet me dije se flakët kanë përfshirë katin e dytë të banesës, duke shkaktuar dëme të konsiderueshme materiale. Fatmirësisht, nga ky incident nuk raportohet për persona të lënduar.

Më pas zjarrfikësit kanë mbërritur në vendngjarje dhe zjarri është vënë nën kontroll, duke shmangur përhapjen e flakëve në pjesën tjetër të objektit dhe në banesat përreth.

Shkak i zjarrit dyshohet se ka qenë një shkëndijë elektrike, megjithatë grupi hetimor po kryen veprimet procedurale për të përcaktuar shkakun e saktë të ngjarjes dhe për të vlerësuar dëmet e shkaktuara.