Bie zjarr në zonën e Ujit të Ftohtë, flakët favorizohen nga era dhe temperaturat e larta

Një zjarr ka rënë në zonën e Ujit të Ftohtë, mbi tunelin e Vlorës.

Flakët kanë përfshirë një sipërfaqe me bimësi, ndërsa intensiteti i tyre është favorizuar nga era e fortë dhe temperaturat e larta.

Kjo ka shkaktuar ankth dhe panik tek banorët, pasi nëse përhapej me tej zjarri rrezikonte të përfshinte edhe banesat.

Policia dhe forcat zjarrfikëse kanë shkuar menjëherë në vendngjarje dhe po punojnë për shuarjen e tyre dhe neutralizimin e situatës.