Bie zjarr te Liqeni i Thatë, flakët përfshijnë katin e gjashtë të Hotel Radisson

Një zjarr ka rënë pasditen e kësaj të marte në katin e gjashtë të Hotel Radisson, në zonën e Liqenit të Thatë në Tiranë.

Sipas informacioneve paraprake, flakët kanë përfshirë një pjesë të godinës, ndërsa në vendngjarje kanë mbërritur forcat e Policisë dhe shërbimet zjarrfikëse, të cilat po punojnë për izolimin e flakëve. 

Deri në këto momente, ende nuk dihen shkaqet e rënies së zjarrit. Po ashtu nuk ka informacion zyrtar nëse ka persona të lënduar apo të evakuuar nga godina.

Ndërkohë pritet të dalin më shumë detaje në vijim.