Gjykata ka vendosur lirimin nga qelia të 12 protestuesve të arrestuar në kuadër të protestave të zhvilluara ditët e fundit n&...
AKTUALITET
BKH pas AKSHI-t futet në kupolën e Policisë së Shtetit: I merr celularin vartëses së Ilir Prodës
PiranjatPërditësimi i fundit 20 December 2025, 15:03
Drejtoreshës së Krimit Kibernetik në Policinë e Shtetit Ervina Gjana, agjentët e BKH-së i kanë sekuestruar telefonin dhe njëkohësisht i kanë kontrolluar zyrën dhe banesën.
Ervina Gjana mban një post kyç në strukturat e rendit, si Drejtoreshë e Krimit Kibernetik dhe Kompjuterik në Drejtorinë e Përgjithshme të Policisë së Shtetit, një funksion me përgjegjësi të drejtpërdrejtë në hetimin dhe parandalimin e veprave penale që lidhen me mashtrimet online, call center-at, ndërhyrjet në sistemet informatike dhe bashkëpunimin ndërkombëtar për krimin kibernetik. Hetimi ndaj kësaj zyrtare dhe të tjerëve është hapur pas sekuestrimit të telefonave të Agasit, ku SPAK konstatoi se shume drejtues të Policisë së Shtetit, janë rekrutuar dhe emëruar nën ndikimin e grupeve kriminale. Gazetari Qyno, ka mësuar se hetimi ndaj policëve është çelur për lejimin e call-Centerave, ndikimin e paligjshem ne Policine e Shtetit e vepra te tjera penale.
Madje ditën që qarkulloi lajmi se BKH, i kishte marë telefonin e Ilir Prodës, në fakt agjentë të BKH-së kanë qënë prezent në godinën e Policisë së Shtetit, por objektiv ka qënë tjetër zyrtar në polici.
Kujtojmë se Proda e ka një telefon të sekuestruar, për çeshtje të nxjerrjes së sekretit hetimor në muajin korrik 2024, që i është kthyer më pas. Gjithashtu mësohet se sekuestro i është vendosur dhe telefonit të bashkëshortit të Ervina Gjanës, Renato Hristiç.
Përveç kontrollit në banesën e çiftit, Gjykata e Posaçme ka miratuar kontrolle personale dhe banesash për disa shtetas, mes tyre Gëzim Toska, Elon Ciko, Elgerti Bixha, Arjola Koromani, Endri Merkaj, si dhe subjektin tregtar “Merkaj 3” që zotëron kompleksin “Mandarine Drive”./elton qyno
