16-vjeçari Arjon Xhezairi ka ndërruar jetë në Spitalin e Traumës në Tiranë, pasi nuk arriti t’u mbijetonte plagë...
AKTUALITET
Bomba e përgjimeve nga Arben Ahmetaj, Qyno: SPAK dje hodhi një shashkë me vilën e sekuestruar të Ballukut
PiranjatPërditësimi i fundit 10 September 2026, 10:08
Veprimet e fundit të Strukturës së Posaçme Kundër Korrupsionit (SPAK) kanë marrë një kthesë të papritur, të nxitura drejtpërdrejt nga deklaratat e forta dhe përgjimet e publikuara së fundmi në media nga ish-zëvendëskryeministri Arben Ahmetaj. Teksa drejtësia kërkoi administrimin e provave dhe audio-përgjimeve të transmetuara, një tjetër goditje u shënua në radhët e qeverisë: sekuestrimi i një vile luksoze në pronësi të zëvendëskryeministres aktuale, Belinda Balluku.
Detajet e zbuluara nga përgjimet tregojnë për një skemë të mirëfilltë ku përfshihen emra të njohur të botës së biznesit, kompani si "Kajo" dhe "Timak", shtetas izraelitë, si dhe dyshime për trafikim armësh. Këto lidhje, të denoncuara muaj më parë edhe nga gazetarët investigative të Syri tv, po detyrojnë organet e drejtësisë të nisin verifikime të thella për të vërtetuar autenticitetin e bisedave të regjistruara dhe për të hapur rrugën e procedimeve penale.
Gazetari Elton Qyno që ishte i ftuar në “Kafe Shqeto” në Syri tv, tha se ajo që tërheq vëmendjen e opinionit publik është koha e këtyre veprimeve. Në të njëjtën ditë që vëmendja ishte e fokusuar tek dëshmitë komprometuese të Ahmetajt, SPAK hodhi një "shashkë" mediatike duke njoftuar sekuestrimin e vilës së Ballukut në zonën elitare të Green Coast në Palasë. Mekanizmi i tjetërsimit të pronave duket se përfshin figura të njohura publike, përfshirë një ish-futbollist të kombëtares shqiptare dhe investitorë të tjerë, duke ndjekur të njëjtën skemë të fshehjes së pasurisë si në rastet e mëparshme.
Flavio Qarri: Veprimet e SPAK-ut i kemi diskutuar shpesh në këtë studio, ky ka qenë momenti për një tjetër provë zjarri për sjelljen e SPAK-ut. Ju deshën më shumë se 36 orë për të marrë vesh që Arben Ahmetaj te Çim Peka kishte nxjerrë përgjime dhe për t'i administruar ato. Ndërkohë, krejt rastësisht, “arreston” vilën e Belindës. Në të njëjtën ditë.
Elton Qyno: Tani, veprimet e SPAK-ut gjatë kësaj kohe, që nga dita e djeshme, faktikisht janë të stimuluara nga transmetimet që ka bërë Syri Televizion, pikërisht të intervistës të ish-zëvendëskryeministrit të Shqipërisë, zotit Arben Ahmetaj dhe padyshim që në kuadër të deklaratave të tij, u sollën edhe përgjime konkrete të personazheve të botës së biznesit, kryesisht të botës së trafikimit të armëve dhe që padyshim lindi e nevojshme që të kryheshin disa verifikime. Dhe prandaj SPAK ditën e djeshme i është drejtuar redaksisë së televizionit Syri me një kërkesë për vënien në dispozicion të gjithë materialit televiziv, po njëkohësisht edhe ka kërkuar të gjithë audio-përgjimet e plota lidhur me bisedat që janë zhvilluar mes katër personazheve që dhe televizioni Syri i ka publikuar. Padyshim që kërkohet një fazë dhe një kohë verifikimi dhe që të provohet pjesa e vërtetësisë së kësaj audio-përgjimi, të provohet nëse këta personazhe që bisedojnë në këtë audio-përgjim vërtet janë ata apo ka persona të tjerë dhe që sigurisht më pas do të konkretizohet me një veprim tjetër për të nisur një procedim penal apo jo. Pra deri në këto momente jemi në fazën e verifikimit të kushteve për të nisur një çështje apo jo dhe nga ana tjetër nëse do të kemi prova konkrete dhe nëse do të kemi një korrespondencë të qartë për sa i përket bisedave që zhvillohen në këtë audio-përgjim dhe për sa i përket veprimeve dokumentare që janë bërë edhe nga kompania Kajo, por edhe nga kompania Timak e shtetasve izraelitë, padyshim që shpresoj dhe kam bindjen që SPAK-u do ta regjistrojë një procedim penal dhe më pas kjo do t'i hapë rrugën hetimeve më të thelluara dhe marrjen në pyetje të personazheve që kanë dalë në këtë audio-përgjim.
Por fakti që në këtë audio-përgjim ka dalë dhe një kolegu jonë, zoti Julian Hoxhaj, i cili e ka denoncuar qysh në janar të këtij viti veprimet akrobatike të kompanisë Kajo dhe Timak, padyshim që kjo është një indicie shumë e fortë që tregon se pikërisht personazhet që janë përmendur në këtë investigim të bërë nga kolegu jonë Hoxhaj, flasin për përmbajtjen e këtij investigimi, flasim për autorësinë se kush kishte bërë shkrimin e këtij investigimi dhe që padyshim kjo është një indicie shumë e fortë që të le të kuptosh që pikërisht këta personazhe që janë përmendur tek investigimi i zotit Julian Hoxhaj flasin në këtë audio-përgjim pikërisht për këtë autor dhe që dua të them që është një indicie shumë e fortë që të vërtetohet që janë pikërisht këta të katërt që janë identifikuar nga vetë media që ka paraqitur investigimin.
Ndërsa në kuadër të ditës së djeshme që u plas lajmi i nisjes së verifikimeve nga SPAK, çuditërisht SPAK nga ana tjetër hodhi dhe një shashkë të radhës duke vënë në epiqendër të opinionit publik dhe të gjithë titujve mediatikë televizivë dhe online, pikërisht zëvendëskryeministren, ish-zëvendëskryeministren tjetër, Belinda Balluku. Pra deri në orën tre lajmet ishin për veprimet e SPAK-ut për ish-zëvendëskryeministrin e Shqipërisë, zotin Arben Ahmetaj dhe pas orës tre doli lajmi që kemi dhe një ish-zëvendëskryeministre të Shqipërisë, zonjën Belinda Balluku të cilës i kemi sekuestruar një vilë tjetër, jo në zonën ku ishte rasti i parë, por tek një zonë tjetër elitare e vilave turistike siç është zona e Palasës në Green Coast. Dhe është i njëjti mekanizëm tjetërsimi ku është përdorur ish-futbollisti i kombëtares shqiptare, zoti Igli Tare dhe që nga ana tjetër kemi një investitor, një investitor të njohur siç është Arbër Abazi dhe që padyshim skema është e njëjtë si me rastin e parë dhe që nëse do të shkundet disa herë dhe qindra herë zonja Balluku padyshim që do të dalin edhe vila të tjera... Pasi puna e thasëve me miell që sa herë ta shkundësh do lëshojë një dorë miell. Edhe puna e Belindës që sa herë ta shkundësh sigurisht që do të nxjerrë një vilë ose një...
Tundja e prangave faktikisht edhe shqiptarët këtë kërkojnë dhe shpesh herë në studiot televizive më është bërë disa herë kjo pyetje që kur, kur, sepse edhe me të drejtë pasi shqiptarët njihen me shumë lajme, zbulime për Belinda Ballukun, por nga ana tjetër SPAK ngurron, dua ta them, që të bëjë lëvizjen deçizive, lëvizjen alfa, duke kërkuar pikërisht kërkesën për dhënie autorizimi me qëllim arrestimin e saj. Është bërë një herë, ç'është e vërteta, mazhoranca nuk ia ka dhënë autorizimin për lejimin e arrestimit dhe që në këto kushte SPAK ka bërë një lojë tjetër do të thoja duke i marrë krahët kësaj zonje apo kësaj zyrtareje, duke kryer hetime pasurore dhe duke e futur çështjen drejt një akuze siç është korrupsioni pasiv i zyrtarëve të lartë publikë dhe më tepër duke e kaluar jo më tek pjesa e shkeljes të barazisë të ankande publike por duke e futur pikërisht në pastrimin e parave. Dhe që janë dy vepra penale, korrupsioni dhe pastrimi i parave që janë me marzh të lartë dënimi dhe që pa diskutim kërkojnë një masë sigurimi
