Revolta e studentëve dhe e pedagogëve përpara Ministrisë së Arsimit vijon edhe sot më 27 tetor.
Protestuesit i kanë vendosur ...
AKTUALITET
Buxheti 2026 në duart e Ballukut-Ola Xama: Miliona euro për zyrtarë me akuza penale
PiranjatPërditësimi i fundit 17 December 2025, 16:41
Gazetarja Ola Xama ka reaguar publikisht mbi listën e investimeve publike për vitin 2026, duke ngritur shqetësime serioze mbi mënyrën se si do të menaxhohen fondet më të mëdha kapitale të buxhetit të shtetit nga institucione dhe zyrtarë që ndodhen nën hetim penal.
Sipas të dhënave të buxhetit, për vitin 2026 parashikohen 1.26 miliardë euro shpenzime kapitale, ku gjysma e këtij fondi, 562 milionë euro, i është alokuar, Ministrisë së Infrastrukturës dhe Energjisë, institucioni që përfiton vlerën më të madhe të prokurimeve, me drejtuese Belinda Balluku e cila është marrë e pandehur me akuzën “shkelje e barazisë në tendera”. Institucioni i dytë me peshën më të madhe të shpenzimeve është Fondi Shqiptar i Zhvillimit (FSHZH), me 197 milionë euro shpenzime të planifikuara për vitin 2026 dhe me një vlerë totale projektesh prej 808 milionë eurosh. Disa procedura prokurimi të këtij institucioni janë aktualisht nën hetim nga SPAK.
Agjencia e tretë me nivelin më të lartë të shpenzimeve kapitale është Agjencia Kombëtare e Shoqërisë së Informacionit (AKSHI), me 67 milionë euro të planifikuara për vitin 2026 dhe projekte me vlerë totale 256 milionë euro. Drejtuesja e këtij institucioni ndodhet në arrest shtëpie, e akuzuar për “shkelje të barazisë në tendera” dhe “grup të strukturuar kriminal”.
Reagimi:
Kjo është lista e investimeve publike. Tabela përmban të gjithë shpenzimet që prokurohen dhe nuk lidhen me zëra të tjerë buxhetorë siç janë pagat, pensionet, subvencione etj. Për vitin 2026 vlera totale e shpenzimeve kapitale është 1.26 miliard euro. Gjysma e këtij fondi, 562 milion euro, është vënë në dispozicion të Ministrisë së Infrastrukturës dhe Energjisë. Titullari i këtij institucioni është marrë i pandehur me akuzën “shkelje e barazisë në tendera”.
Institucioni i dytë që ka vlerën më të madhe të prokurimeve është Fondi Shqiptar i Zhvillimit me 197 milion euro shpenzime të planfikuara për vitin e ardhshëm, dhe me vlerë totale projektesh 808 milion euro. Disa procedura prokurimi të këtij institucioni janë duke u hetuar nga SPAK, ndërsa ish-kreu i FSHZH është marrë zyrtarisht nën hetim për manipulim të garës në një tjetër procedurë kur ka qënë drejtues i KESH. Aktualisht drejton Bashkinë Shkodër.
Agjencia e tretë që ka vlerën më të madhe të prokurimeve është ajo e Shoqërisë së Informacionit (AKSHI) me shpenzime kapitale 67 milion euro për vitin 2026 dhe vlerë projektesh 256 milion euro. Drejtuesja e këtij institucioni është në arrest shtëpie për “shkelje të barazisë në tendera” dhe “grup të strukturuar kriminal”. Të gjithë zyrtarët në fjalë janë në detyrë dhe do të marrin vendime për menaxhimin e parave publike, të cilat përbëjnë shumicën e shpenzimeve kapitale të buxhetit.
Pyetja që lind është se si ka mundësi që e gjithë struktura e zyrtarëve që menaxhojnë interesat më të mëdha ekonomikë është e kriminalizuar? A ka ndonjë përgjegjësi për këtë situatë kryeminsitri? Po Partia Socialiste që është votëbesuar nga shqiptarët a ka përgjegjësi? Si ka mundësi që nuk ka asnjë kritik brenda kësaj force për të kërkuar llogari mbi mënyrën se si po qeveriset vendi?
Autoritetet spanjolle u kanë kthyer përgjigje zyrtare institucioneve shqiptare, duke konfirmuar se Gilmando Dani dhe Mustafa Shaljani, i njihur si "...
