Një javë më parë, kreu i Sindikatës së Pavarur të Punonjësve të Policisë së Shtetit, Sadetin Fishta, deno...
AKTUALITET
"Cosa Nostra, me në krye kapon e kapove”/ Protestuesi nga diaspora sulmon Ramën: Na hoqi çdo mundësi jetese
PiranjatPërditësimi i fundit 24 August 2026, 20:37
Një protestues, i cili u prezantua si përfaqësues i diasporës shqiptare në Itali, kërkoi dorëheqjen e parevokueshme të kryeministrit Edi Rama gjatë protestës së 86-të kundër qeverisë.
Në fjalën e mbajtur para protestuesve, ai e cilësoi tubimin si një “revolucion paqësor”, ndërsa hodhi akuza të forta ndaj qeverisë, të cilën e bëri përgjegjëse për situatën që, sipas tij, ka detyruar shumë shqiptarë të largohen nga vendi.
“Përfaqësoj Diasporën e Italisë. Shoh në këtë shesh një revolucion paqësor të vërtetë i cili na zhgënjen nga viti ’90 deri në ’92”, tha ai.
Protestuesi përdori tone të ashpra ndaj qeverisë, duke e krahasuar atë me strukturat e mafies italiane.
“Neve kërkojmë të njëjtën gjë që kërkonit sot. Neve kërkojmë dorëheqjen e kupolës, Cosa Nostra-s, me në krye kapon e të gjithë kapove shqiptarë, Toto Rinën, i cili na hoqi çdo lloj mundësie të mbijetesës, jo të jetesës së lirë”, deklaroi ai.
Duke iu referuar protestave të zhvilluara deri më tani, qytetari veçoi pjesëmarrjen e grave dhe vajzave.
“Në çdo ditë proteste, unë kam parë shkëlqimin e njerëzve të mi, të cilët kryesisht të vajzave, të grave dhe motrave tona”, u shpreh protestuesi.
Në përfundim të fjalës së tij, ai përsëriti kërkesën për largimin e kryeministrit dhe krijimin e një qeverie të re.
“Kërkojmë dorëheqjen të parevokueshme të Edi Ramës. Kërkojmë që të bëhet një qeveri e cila të na japë jetë të lirë dhe të drejtë. Ju falënderoj për mbështetjen”, përfundoi ai.
