Pas Hakan Calhanoglu, Inter konfirmon se edhe John Stones nuk do të jetë në dispozicion të Cristian Chivu për superpërballjen e ...
AKTUALITET
Daja i deputetes së PS e rrahu dhe i plagosi me drapër të atin, 34-vjeçarja sqaron foton e publikuar nga Zegjine Çaushit: Ja si qëndron e vërteta
PiranjatPërditësimi i fundit 17 Shtator 2026, 16:25
Sot u mbajt seanca për Bledar Bakajn, dajën e deputetes së PS-së, Zegjine Çaushit, ku u vendos masa e sigurisë “Arrest me burg”. Kujtojmë se 52-vjeçari theu urdhrin e mbrojtjes dhe shkoi në banesën e Merita Grëmajt, ku plagosi me drapër babain e saj.
Merita Gremaj sqaroi të vereten e fotos së postuar nga deputetja e Partisë Socialiste, Zegjine Çaushi, ku kjo e fundit ka deklaruar se daja i saj do të martohej me 34-vjeçaren. Gremaj ka hedhur poshtë deklaratëne deputetes duke thënë se nuk do të martohej kuurë me Bledar Bakajn.
Pjesë nga intervista:
Sidorela Gjoni: A do të martoheshit, cila është e vërteta?
Merita Gremaj: Unë me atë, kurrën e kurrës
Sidorela Gjoni: Kur është bërë foto?
Merita Gremaj: Kur kemi ikur në Fier me ble rroba. Si mund të merrem me një njeri që më dhunon, kërcënon, më keqtrajton
Sidorela Gjoni: Kush t’i ka dhuruar?
Merita Gremaj: Mi ka dhënë vajza e Nazmies. Foto është bërë se më kërcënonte
Sidorela Gjoni: I ke thënë deputetes se do martohesh?
Merita Gremaj: Jo, unë e kam nxjerrë jashtë. Donte Bledari të më fuste në punë dhe ajo thoshte në Roskovec.
Nexhi Beqiraj: Pse nuk e keni denoncuar, të kërcënonte dhe nuk e ke denoncuar?
Merita Gremaj: Se thoshte ti po tregove do të të heq një këmbë dhe krah, do të bëj të vuash, e ka thënë edhe në komisariat.
Sidorela Gjoni: Kur është bërë fotografia?
Merita Gremaj: Në muajin qershor
Sidorela Gjoni: Të këtij viti?
Merita Gremaj: Po
Eris Dhamo: Kur ka nisur dhuna për herë të parë?
Merita Gremaj: Ka qenë e vazhdueshme
Sidorela Gjoni: Edhe në qershor?
Merita Gremaj: Vetëm dy ditët e fundit e ndali dhunën se erdha në shtëpi për të kërkuar ndihmë, te familja ime
Sidorela Gjoni:Si reaguan institucionet kur bëre denoncimin?
Merita Gremaj: Më thanë ‘pse nuk erdhe më para?’. Po nuk kisha shanse
Sidorela Gjoni: Cilat janë provat që ke?
Merita Gremaj: Kam një telefon tjetër dhe ky akoma vazhdon me kërcënime edhe në shtëpinë time. Atje nuk kam mundur t’a regjistroj se nuk kisha telefon.
Sidorela Gjoni:Në polici ça provash ke dhënë?
Merita Gremaj: Kam dhënë prova. Unë faktikisht si person nuk doja kontradikta, se gjerat më shumë agravoheshin
Sidorela Gjoni:A të ka marrë deputetja në telefon?
Merita Gremaj: Erdhi bashkë me babain e saj dhe solli vetëm rroba
Sidorela Gjoni: Pas denoncimit?
Merita Gremaj: Jo. S’kam kontakte, s’më ka marrë, asnjë takim
Sidorela Gjoni: Po të afërmit e Bledarit?
Merita Gremaj: Më kanë thënë të heq denoncimin se ka fëmijë, nuk mundem se jam e kërcënuar dhe e dhunuar. Po tani që babai im ndodhet në shtrat ca të bëj. Unë dhe nëna jemi si mos më keq.
