Protesta e zhvilluar sot në Tiranë ka tërhequr vëmendjen edhe të medias italiane Corriere della Sera, e cila raporton për pë...
AKTUALITET
“Më dërguan 200 km larg për të bërë skaner”/ Qytetari ngre dyshime mbi procedurat e hyrje-daljeve në Qafë Botë
PiranjatPërditësimi i fundit 19 August 2026, 17:17
Një denoncim ka mbërritur në redaksinë e Piranjat news, nga një qytetar që i cili tregon se pasi kishte kaluar kontrollin kufitar në Qafë Botë, fugoni i punës të cilin e përdor për të udhëtuar dhe transportuar mallra u fut sërish në skaner.
Denoncuesi është shtetas shqiptar që jeton dhe punon në Greqi, pronar i një mobilerie në Greqi.
Sipas denoncuesit, kontrolli kishte përfunduar dhe nuk ishte konstatuar asnjë problem me automjetin.
Megjithatë, ai thekson se më pas u urdhërua që fugoni të kalonte në skaner, ku u desh të udhëtonte nga Qafë Botë në Kakavijë.
Në mesazhet e dërguara redaksisë së Piranjat news, ai shprehet se nuk e kuptonte përse, pasi kishte kaluar kontrollin, duhej të kalonte sërish në skaner.
“E kalova kontrollin, pse më futën prapë në skaner?", shprehet qytetari, i cili dyshon se qëllimi ishte ta mbanin në pritje deri në momentin që, sipas tij, të kërkohej ryshfet.
Po ashtu qytetari shprehet se nga pika doganore e Qafë Botës, autoritetet e detyrojnë të bëjë qindra km të tjera për në Kakavijë sepse aty nuk punonte skaneri. Kjo gjë i ka shkaktuar humbje kohe, vonesë etj për të shkuar në shtëpinë e tij në Shqipëri.
Më poshtë gjeni dhe pamjet e filmuara nga qytetari./ piranjat.news
