Alarm në Pezën e Madhe/ Gërrmime masive për inerte, kamionët e rëndë ndotin zonën pranë Kalasë së Dorëzit

Një denoncim i ardhur në redakinë Piranjat news, ka ngritur shqetësimin për qarkullimin e mjeteve të rënda në zonën e Pezës së Madhe, pranë Kalasë së Dorëzit duke shkaktuar ndotje mjedisore.

Sipas denoncuesit, në këtë zonë po kalojnë kamionë të tonazhit të rëndë, ndërsa rruga dhe hapësira ku po kryhet lëvizja janë pronë private.

Pamjet e dërguara në redaksi tregojnë një kamion të rëndë duke kaluar në një rrugë të paasfaltuar në zonën pranë kalasë dhe kjo sipas tyre përbën masakër mjedisore.

Banorët kërkojnë sqarim nëse lëvizja e mjeteve dhe ndërhyrjet që po kryhen aty janë të autorizuara dhe në përputhje me ligjin./piranjat news