Denoncimi nga Kukësi: Kabina elektrike gjysmë e shembur në fshatin Orgjoc, rrezikon jetën e fëmijëve

Një banor ka denoncuar përmes një mesazhi gjendjen e rënduar të kabinës elektrike në fshatin e tij.

Përmes pamjeve të dërguara në redaksinë e “Piranjave News”, banori thotë se kabina elektrike në fshatin Orgjoc të Kukësit rrezikon të shembet, duke rrezikuar gjithashtu edhe jetë njerëzish.

Objekti i ndërtuar me gurë është shembur pjesërisht dhe një pjesë e murit ka përfunduar në tokë. Gjendja e strukturës ngre shqetësime për qëndrueshmërinë e saj dhe rrezikun e shembjes.

“Kabina është e rrezikshme. Nuk merr masa askush. Rrezikohen fëmijët”, thuhet në mesazhin e banorit dërguar në redaksinë tonë.

Denoncuesi kërkon ndërhyrjen e institucioneve përgjegjëse për të zgjidhur situatën dhe për të marrë masat e nevojshme, me qëllim shmangien e ndonjë incidenti të mundshëm. /PiranjatNews/

Galeria fotografike (

)